Lakuriq, lakuriq nate
Boll i trembe gratë nazike
Me flatrimet e heshtura
Në lulishtet e muzgjeve
Lakuriq, lakuriq nate
S’i duhet kujt pamja jote
Kot u përfushesh grave
Si i dehuri murgeshave.
Lakuriq, lakuriq nate
Ç’më qëmton syve të grave?
Lakuriqësinë tënde vetëm
Dheu mund të ta botojë.
1 comment:
Çfarë ka ndodhur këtu? Poezitë janë shumë të bukura, dinjitoze, të hirshme, të mprehta, elegjiake dhe ironike njëherësh. Nuk di a në duhet të flas sepse paskan kaluar kaq vjet që prej postimit të fundit. Më vjen kaq keq që kanë ngelur kështu si jetime. Punë e shkëlqyer më duket.
Post a Comment