Ndoshta s'kishe mbërritur ende
Kishës sime i mungokësh
Një ikonë me ty
Po unë flisja, e çka thashë
Të tjerave u rinte ngushtë
Herë gjerë, pa bukuri
Dashuroheshim tërë pezm
Në regëtimat e qirinjve
Me gishta lexoja dredhur
Fytyrat akull të statujave
Pengohesha bija përmbys
Në boshllëkun tënd
Fshaja ... nuk e dija që fshaja
Gjuhës sime i mungonin
Emrat për të gjitha këto
Vetëm pak fjalë, njërrokëshe
Për të mos vdekur i pagojë
Flisja, e s’më dëgjove
Ende nuk besoja në një perëndi
Të zbrazët, si ti.
1 comment:
http://www.youtube.com/watch?v=JK156hl5WkM
mendo sikur te gjeje keto flete notash te zverdhura nga koha ne sendukun e gjyshes e ta luaje ne piano pa ditur se cila pjese eshte.
Post a Comment